老苗練轉倉馬勁到爆 幫到小龍女補祝生日？

喺《神鵰俠侶》小說裡面，李莫愁散播謠言，話小龍女十八歲生日，要比武招親，結果引發江湖騷動呀！可能大家會話邊有咁多親要招吖..呢啲都係小說橋段，不過現實中嘅小龍女真係剛剛生日，周日更加係會比武招W！

剛轉投苗禮德馬房的「快樂實在」，馬主快樂之友團體成員之一嘅小龍女陳玉蓮，剛於在上周三（3月25日）慶祝60歲生日，雖然遲就遲啲，但若果聽日愛駒能夠替佢補祝生日，都真係一大樂事！嗱...老苗撚轉倉馬有幾急進，相信唔使講畀大家聽，對上一隻容天鵬轉苗禮德嘅「金津輝煌」，亦都係一出即勝，至於「快樂實在」轉新倉後，早排試一千米閘短到暈，都可以後上第二走勢甚勁，今仗雖然要面對「廣陵王」等強手，都唔可以睇小佢變身潛力！