連續兩次喘鳴大敗 大摩終讓鷹雄退役！

與馬王「美麗傳承」、「巴基之星」、「佳龍駒」等好馬同一代的摩家軍「鷹雄」，今季踏入七歲表現已不若前時，去到季尾跑完女皇盃2000米得第3後，隔一周大摩再安排呢匹暮年馬匆出2400米皇太后紀念盃，結果搞到「鷹雄」喘鳴發作，大敗十六個馬位而回呀~隔咗三個禮拜，大摩再讓「鷹雄」出戰另一場哩半大長途遮打盃一級賽，可憐呢匹蕭家軍馬又喘晒氣，再度輸十七個馬位返來，幕後終於知道隻馬辛苦，今日安排佢退役告老，其實呢匹前昆士蘭打吡冠軍，在港四捷執咗二千萬獎金，亦叫贏過二級賽馬會盃同兩項三級賽，成績唔錯了，畀佢長抖都好應該了！