女學員蘇嘉麗：我想同潘頓雷神同場較量

最近馬會先後搵過兩位見習學員勞景暘(其後無牌)及周俊樂返港擔任見習生，其實依家仍有部分見習學員喺海外受訓，其中一位就係24歲女見習學員蘇嘉麗(Scarlet)。不過，呢位女將發展唔算太順利，佢原本澳洲塔斯曼尼亞受訓，但受到疫情影響，當地賽事曾經停擺，所以佢依家轉往南澳洲發展。

雖然面對唔少不確定情況，但Scarlet話明自己仍不斷努力，兼且經常睇潘頓、莫雷拉賽事片段，佢話兩大高手係唔同styles嘅騎師，佢話好期待有朝一日能夠返香港同佢兩個同場較量。