執到笑今季贏四場都係46分 今次輕磅排內檔...

練馬師蘇保羅，成功擺脫上季低潮期，本季已累積31場頭馬，成績重上軌道，而廐內暫時贏得最多的有兩駒是「韋小寶」及「執到笑」，各獨取四捷之多，「韋小寶」近期名次逐步回落，反而「執到笑」今季在五班連勝四場後，評分亦不過46分，仍然處於低水位置，此駒將於周六沙田日賽上陣，挾新勝勇銳力爭挑戰本季泥地第5W。

新西蘭5歲馬「執到笑」，下線外祖父為Elusive Quality，繼承了此系擅跑泥地的性能，至今五捷清一色在泥地取得，且特別之處在於全部頭馬皆在五班取得，雖然今戰升回四班作賽，但此駒勝在狀態處於巔峰，上次直路追勢之勁，根本當及後補中頭馬的「埼豐」如無物，今仗負120磅再在泥地上奔馳，看來升班都唔怕，有力再創高峰成今季五捷馬！

另外，蘇保羅今期參戰馬之中，仲有匹初次角逐泥地賽事的「輝煌巨星」值得留意，此馬來港適應多時，近期已見屢次入位，目前降至五班，具備反彈開齋之條件，而另一利好因素是，此駒在港同父馬「大道至正」，本季兩捷泥地走勢真係好誇張，「輝煌巨星」若然有「大道至正」七八成水準，今仗轉跑泥地有權殺晒！