【戰況R9】爭冠關鍵！真係得潘頓得天下？

季尾階段，各方聚焦冠軍練馬師之爭，尾場開跑前，呂健威、姚本輝與告東尼各有一場亞軍，齊齊中伏。不過，去到尾場終於其中一位增添頭。告東尼「曈曨光彩」喺潘頓胯下中段變奏走甩，為馬房帶來季內第61場頭馬，距離榜首姚本輝只差3W，唔通真係爭冠關鍵時候，得潘頓就可得天下？今場跑第二名為「飛雲騅」，「扎西德勒」跑第三，第四名為姚本輝「玩具達人」。姚本輝今季可謂非常冇運，第八場何澤堯騎嘅大熱門「年年豐收」閘前退出，尾場又係何澤堯騎嘅「玩具達人」出閘又有意外大讓賽，最終蝕晒位之下後上第四，唔通佢哋兩個八字唔夾？

第九場賽果：1-12-6-2

組合獨贏3揀1賽果：A1(最後賠率2.2)