希斯從化新女副練 今日曝光！

再度東來開倉嘅希斯，今日續在晨課露面，練者同副練黃志雄等一行三人，著住綠底大白斜間Polo衫「希廐綵衣」出動，好有Team Work感覺呀！大家記唔記得黃志雄，其實佢同希斯早有淵源，雄仔90年代中期經係希斯馬房見習騎師，但之後因體重問題退居幕後，之後出任過胡森、李易達、徐雨石、賀賢副練，現時兜個圈又跟番舊波士，呢個世界真係奇妙呀~

咪住...話明今朝希斯係三人行，咁仲有位女士未介紹噃？據悉呢位就係今日馬會公布嘅希斯新從化副練陳恩婷呀！恩婷之前曾隸屬鄭俊偉馬房做策騎員，仲同蔣小妹蔣嘉琦相熟，今次獲馬會擢升做副練，相信定會加多幾錢肉緊做啲成績出嚟，又睇吓呢個鐵三角組合，新季可唔可以一鳴驚人！