九歲老傢伙奇真 係練馬師團體馬活化石！

大家記唔記得練馬師賽馬團體馬？呢個響06/07年馬季推出團體計劃，曾經出過唔少好馬，好似苗廐「飛銀動力」就曾贏三級賽港澳盃，另外薛達志英國自購馬「冠軍廊」，也曾一出即捷繼而在打吡取得季軍，大摩更是練馬師賽馬團體最進取一人，「多名利」捧走香港瓶已經夠巴閉，尚有「閒話一句」一舉成為打吡盟主，呢兩W摩廐團體成員，係一行數十人落草地拉頭馬，兩張頭馬相都好壯觀！

不過隨著「閒話一句」轉倉風波，再加上幾季之後練馬師團體馬計劃未能達到招攬新馬主目的，馬會見失去開設團體馬原願，故此計劃最後取消。現時香港馬圈碩果僅存三匹9歲馬之中，霍利時馬房的「奇真」就是末代練馬師賽馬團體馬，呢匹06/07霍利時練馬師賽馬團體馬，15年1月21日作首戰，但跑到第三季先在谷草三班谷一哩開齋，服役六季累積4冠8亞7季，同另一匹霍利時團體馬、遮打盃贏馬王「雄心威龍」嘅「智多飛」相比，質素差天共地，但「奇真」剛季以9歲之齡尚可添兩W，老黃忠表現都算係咁喇！