究竟艾擎斯有幾傷？睇片你就知……

艾擎斯見物理治療師片段：

https://cutt.ly/Zs8UgBc　

OK哥布文危險策騎連累另一位騎師艾擎斯「落樓」單嘢，日前終於有研訊結果，布文被罰停賽六個星期。姑勿論各位覺得今次判罰算唔算太輕手，但總算有定案。反而最值得關心嘅，就係艾擎斯依家究竟傷成點，康復進度又如何呢？

根據澳洲方面嘅最新消息，艾擎斯日前終於由加護病房轉去骨科病房，同埋已經可以移除胸管，呼吸情況亦愈嚟愈好，同埋左腳喺啲保護裝置下亦可以郁動。另外，喺艾擎斯嘅社交平台亦見到一段佢見物理治療師嘅片段，雖然佢左手、左腳都要戴晒保護裝置，但都勉強可以自己企起身，情況未算太差，但相信距離百分百康復仲有一段漫漫長路，初步估計起碼要抖半年先可以再次策騎。