表情王開綠燈！賢廐策騎員操番「美麗傳承」

隨着大摩退休撒離，不少舊部轉投大衛希斯，或多或少與馬房位址不變有直接關係，其中前馬王「美麗傳承」由希斯接手一個月，操練逐漸升級，近四日已先後進行兩課快工夫，食得又操得，似乎已適應同大摩一樣，都係澳洲式的訓練手法。

以往「美麗傳承」都係由專屬策騎員Romain操練，然而呢位前法籍跳欄騎師已轉投賢廐，近日先見佢開工，咪以為人馬就此分道揚鑣，今朝「美麗傳承」快跳，竟然由Romain親自操番，人馬重新合體，似乎係幕後有心撮合。

據悉，原來近日蘇偉賢同希斯達成協議，每逢「美麗傳承」快跳，Romain都會親自主理，而希廐當日亦有一位策騎員作「回禮」，被派往賢廐幫手操馬，大家都冇損失。