方力申600萬愛駒叫將俠 全哥多咗隻超音鼠

「飛魚王子」方力申同老友組成嘅七俠五義團體，喺今年7月嘅香港國際馬匹拍賣會豪花600萬引入一匹拍賣馬D501，並且加盟告東尼馬房，而練者亦對此匹新血相當重視，早前已安排呢匹拍賣馬出大圈快跳。

而喺馬會啱啱公布嘅新馬命名資料中，方力申嘅七俠五義團體原來已經幫愛駒改咗名，就係叫做「將俠」，事關團體成員亦包括「將耀」馬主張舜清，難怪繼續以「將」嚟改名啦。

另外，今次新馬命名亦有唔少特別嘅馬名，好似羅富全馬房嘅E046，馬主廖偉麟先生就幫愛駒改名做「超音鼠」，而養過「噴火龍」嘅陳錦霞，就將自己新寵E011改名做「比超」，並交由丁冠豪訓練。