馬場局部開放 Fans好興奮
20200920
東網電視
更多新聞短片
由於疫情放緩，沙田馬場今日開放畀已訂餐廳座位人士進場，不過事前要喺網上提交健康申報表，進場前亦要量度體溫。另外，馬場有禮亦已開放，有唔少馬迷揀選心愛精品。由於好多馬迷都好耐冇入馬場觀戰，所以心情都幾興奮，而今日入場，仲有多年前的馬票展覽呀。
有馬迷話知道可入馬場之後，第一時間訂枱，以前平均個月會入場一次，但已經好幾個月冇得進場，亦唔習慣「靜英英」嘅馬場，所以用手機影低歷史一刻，亦希望疫情快啲過去，馬場回復熱鬧。