【唔係佢飛我，係...】潘頓解釋冇同方仔合作原因

潘頓與方嘉柏這對騎練組合，向來合作無間，今季谷草揭幕戰，兩人亦憑「喜佳龍」聯手贏馬，然而自從上月23谷戰打後，連埋今周日賽事，他們竟然連續五期零交手，一匹合作馬也沒有，唔通私底人鬧翻咗?或者地盤畀人搶咗?

問起潘頓原因，佢就解釋話兩人並非不和，亦不是方嘉柏不向他停供坐騎，而是他自己選擇暫時不騎柏廐馬。聽到呢度，都可能覺得潘頓講笑，有馬都唔騎，何況仲係方仔呢個大馬房。

潘頓就進一步解釋，他這樣做是不想坐騎供應，局限於一、兩個大馬房，無疑短期內會取得不少實力馬，但有得必有失，同時也須策騎同廐一些沒有機會的馬出賽，即俗稱的「豬頭骨」，這樣將會導致錯過策騎其他馬房餐士馬的機會，他希望線路可縱橫更多馬房，集中策騎有實力馬，重質不重量。