【變出彩虹】黃金甲蓄銳縮程 夠唔夠超能力跑？

第八場二班泥千二，上演當今泥地大戰，講的是「超能力」挑「黃金甲」。「超能力」上回季內初出跑同程，一路留後走勢也不怎麼了，但去到最後百多米，「超能力」撻起五波全力衝，根本就如入無人之境，過完暑假後勁比之前更利害，今回雖重上二班但只負122磅，12檔也難阻其爭勝機會。那麼「黃金甲」會是攔路虎嗎？上季尾泥一哩，以極速拋甩好馬「二郎」兩乘，暑期抖夠後，連試兩課大閘做足工夫，剛一課閘更輕勝，今次恃新鮮感工攻千二，很惡吧？但若果二揀一的話，「黃金甲」泥地已盡露鋒芒，賽績表現甚至可用誇張來形容，卻可能到漸到盡頭，「超能力」卻是不慍不火，在百寶袋內施施然淘點力量出來，不會一次過用晒，我較睇好佢。■靈駿