【戰況R2】人和家興分級賽實力露底

希斯馬房「人和家興」上仗初出跑谷草成為全熱門，但因衝閘而退出。塞翁失馬，「人和家興」今仗轉戰田草，臨場無好似上次咁成身大汗，成而係好事，結果輕鬆一放到底贏馬，並且造出1分08秒46完成時間，差0.01秒就追平班際紀錄之餘，更比分級賽標準時間只慢0.06秒，真係好鬼犀利！

賽後，希斯好高興「人和家興」為佢帶嚟首匹E布頭馬，雖然上仗閘前衝閘退出，但隻馬返到馬房冇問題。「人和家興」前速快、脾性好，今場貼欄跑走規好啲，預料贏完呢場頭馬後會升班，但相信上到三班都冇問題。另外，希斯依家有52匹E布馬，有啲7月先嚟，狀態慢慢嚟緊，希望隨住「人和家興」勝出，馬房成績拾級而上。

今場跑第2名為潘頓「大眾開心」，「紅鬃烈馬」跑第3，第4名為「明欣賞」。

第2場賽果：8-2-14-1

組合獨贏3揀1賽果：A1(最後賠率1.6)

二重彩賽果：8-2(最後賠率11)