希斯親揭蘇狄雄有份試閘原因！

今朝(24日)沙田馬場舉行9草4泥共13組試閘，主要都係一大堆質新E布戰兵出試，而喺第1組1000米草地試閘，名單上見到一個久違而又熟悉嘅名，就係已掛靴並轉任希斯馬房嘅高級策騎員蘇狄雄(Ben)，今朝替「皇者峰範」出試。

「皇者峰範」係應屆法國打吡亞軍，馬主係陳李妮與陳國泰，由9月28日開始落地操練，今日在港首次試閘，由蘇狄雄負責主試，出閘後馬匹一直喺內欄跟自己步韻跑，走勢平穩，最後跑第8名而回，過終點後餘勢亦不錯，而希斯都好滿意「皇者峰範」呢課試閘。

雖然根據試閘規例，高級策騎員可以參與試閘，不過就比較少馬房會咁安排。問到希斯點解會有咁嘅安排，佢就話，因為蘇狄雄好鍾意呢匹馬，幾乎每日都係由阿Ben親自主理工夫，既然係咁，所以試閘都交畀佢主試咁話！