【戰況R1】希斯:包裝太保似前短途王更歡笑

20201213
東網電視
更多新聞短片
大賽日真係熱門天下?希斯初出馬「包裝太保」雖然排10檔,但仍被捧成2.2倍全熱門,似乎所有人都好有信心,結果喺潘頓胯下沿途走3疊,直路飛出外面衝仍輕鬆勝出。希斯繼「人和家興」之後再贏多隻E布馬,不過「包裝太保」係自購馬,連同外地2戰全勝,至今依然不敗。值得一提,「包裝太保」喺澳洲時由希斯兒子比安希斯與外甥訓練,似乎自己人嘅揀手貨都係益番自己人。
賽後,希斯話「包裝太保」係一匹好有能力嘅PP,亦係佢首匹勝出嘅E布自購馬,隻馬有啲似當年香港短途錦標盟主「更歡笑」,初出時於國際賽日一出即勝。「包裝太保」雖然排外檔,但潘頓留放做得好,令馬匹展速驚人加速力。而此駒由馬主購入,由於當時未夠評分運港,所以要喺外地多跑一場先可以運來香港服役。
至於「包裝太保」馬主老公李文斌話賽前好有信心,呢匹馬質素好好,喺澳洲贏第1場時已畀佢購入,雖然身形龐大,但血統可扳至一哩。
今場跑第2名為「簹多福」,「二話不說」跑第3,第4名為「帝豪寶寶」。
第1場賽果:6-3-13-4
組合獨贏3揀1賽果:A1(最後賠率1.8)
二重彩賽果:6-3(最後賠率16)