【香港短途錦標】龍王父子制霸！莫雅完成國際賽大滿貫！

第5場香港短途錦標1200米一級賽，「旺蝦王」成為2.1倍大熱，另外來港首戰的珠峰錦標冠軍「川河達駒」3.8倍次熱，而東廐「錶之智能」9倍第3熱，不過上述港隊熱門全部跑唔入三甲！直路上群駒堆埋一舊衝刺，剛贏完香港瓶的莫雅，騎住日本代表「野田重擊」在中外欄爆起後勁，發力點一流呀，結果呢匹「龍王」子嗣，首度在G1報捷，獨贏仲有成22倍！「龍王」當年曾打疊勝出香港短途錦標，今次又到囝囝捧相同盃賽，父子制霸堅係犀利，至於莫雅亦都完成國際賽大滿貫，4場G1都贏過晒，係繼巫斯義、潘頓、莫雷拉後第4人。

呢場跑第2名係84倍大冷「旌暉」，第3名則是23倍「大籐王」，是場Q派到7千3，「野田重擊」搭「旌暉」PQ派$1,931，四連環派64,993，四重彩更派到199萬，連贏、位置Q、四連環、四重彩都破晒國際賽派彩紀錄！至於「仁者荃心」賽後發現流鼻血。

第5場賽果：5-11-9-7

組合獨贏3揀1賽果：A2(最後賠率5.4)

二重彩賽果：5-11(最後賠率1,906)