蘇保羅唔止有韋小寶 宜家仲多匹鹿鼎記！

今日有幾匹新馬改咗名，其中最特別，一定係隸屬蘇保羅馬房嘅「鹿鼎記」，呢個名大家都知係同金庸武俠小說同名，咁入面主人公係邊位？咪就係韋小寶囉！依家馬場上嘅「韋小寶」身在二班評95分，呢隻「鹿鼎記」就52分起步，有排先有機會碰頭，不過兩隻都係蘇保羅馬房，睇吓會唔會同日出擊？講番呢隻「鹿鼎記」，幕後拔萃78團體成員中有「狂舞派」馬主周邦華，周生係馬販好多人都知，呢匹Pins子嗣「鹿鼎記」，就係佢響卡拉卡拍賣會以32,000紐元引入，自家貨鬥志實旺盛！

至於今日另外新馬名字，就有希斯兩歲表列賽頭馬E231，佢改咗名叫「青工精神」，呢匹馬來自意大利，幾特別呀~