六爺爭冠秘密武器 配雷神登場!

20210121
東網電視
更多新聞短片
羅富全今季質新自購馬好對辦,一匹「天駟」已經唔駛多講,仲有「健康愉快」亦都兩勝,兩隻都入圍今屆4歲頭關經典一哩賽,不過六爺今年既然話到明要爭冠,當然自知子彈夠多先講得出口,周日沙田舉行三場大賽,六爺質高PP又來湊熱鬧了,好似第4場三班1400米上陣嘅「旗幟輝煌」,係首匹在港出賽葉森打吡冠軍「澳大利亞」囝囝,本身來港前響英國新市場7月賽道贏過3歲二班1600米讓磅賽,當日蹄下敗將係高多芬戰駒EASTERN WORLD,賽事水準真係高,呢匹栗色馬唔止毛色似足老竇,來港兩次試閘仲見到佢坐低身湧住去,鬥心超凡呀,敢講一定係坐二望一班上駟,難怪今次初出雷神都垂青,74分起步絕對大把水位,六爺下半季搶W,呢隻「旗幟輝煌」一定係要角,呢次初出捧場先喇!