包裝太保劏唔劏到好眼光?

2021年01月22日 00:24
東網電視
更多新聞短片
周日除咗3場大賽外,尾場三班1200一樣有超強戲碼,兩匹明星佳駟「包裝太保」、「好眼光」大鬥法,挾兩出兩捷再來嘅「好眼光」,今次排12檔,形勢比上次2檔早早攝內欄有天淵之別,咁究竟潘頓一出以凌厲後勁贏馬嘅「包裝太保」,可唔可以殺敗擂台躉呢?
純講質素及台型,「包裝太保」分分鐘在「好眼光」之上,不過跑馬除咗講質素,仲要講個「順」字,蔡約翰撚呢隻「好眼光」,基本上已打通任督二脈,即係打好晒底完全搞掂晒,但大家睇番希斯隻「包裝太保」,其實未真正搞得掂,頭一仗已經見頭擰擰好唔規矩,該次贏馬只靠分低憑有新鮮感監生吞,到上次再出終於現型,全程好似打工夫咁擺來擺去,潘頓韁繩已經叫好架喇,都係舞佢唔掂,結果嘥晒力下,衝勁平平只跑梗頸四,呢匹馬到現時都係未搞得掂個口,除非到周日走勢又忽然變順,否則要讓「好眼光」7磅,冇SO呀~