外賣自取！永勝 永旺 太保 分途出擊！

星期日跑大賽，除了2場一級賽之外，4歲馬經典系列賽都係焦點所在，包裝系除了派「包裝永勝」出戰之外，另外2匹4歲馬「包裝永旺」與「包裝太保」分途出擊，有力包辦三寶。

第8場香港經典一哩賽，「包裝永勝」喺外地已2勝一級賽，更於澳洲打吡跑第4，目標一定向4歲系列賽進軍，雖然在港2戰均熱倒，但仗比仗進步，看來漸漸適應水土，今仗排檔好，而且狀態更進一步，有力反底。

第9場二班1800米，「包裝永旺」喺外地3勝膠沙地，但在港近2仗已證明跑草地冇問題，幕後專登避戰香港經典一哩賽，選擇跑二班賽避開一眾4歲新星，而同場舊馬大多用得七七八八，今仗排好檔可現真身。

第10場三班1200米，「包裝太保」前仗在港一出即勝，上回遇偏慢步速，直路搵位亦有多少阻滯，但末段仍爆出22秒05後勁，今仗預期有步速，只要取位順利，有力收復前失。