【分分制勝】三T次關1注鼎足

第5場三班1200米，雖然編定為三T次關，但形勢非常單純，三大高手坐騎「帝豪寶寶」、「十二馬」及「大紅蜂」各擁好條件，大可齊齊交出水準，亦有望齊齊躋身三甲。想中三T，度掂頭、尾關便可。

「帝豪寶寶」剛戰遇上大超級、全程操控步速的「速遞奇兵」，仍能後上入Q，難度甚高，今改抽1檔形勢大好，7歲馬難得冒勇，潘頓一定咬牙切齒砌多鋪，穩佔一席。「十二馬」上場鞍上人托大，戥買Ｗ朋友不值，個人已視為頂磅頭馬，升班必有後着，缺乏快馬場合，由牠主宰形勢，後追一群不易埋身。

當然，今仗選Ｗ必揀「大紅蜂」，初出用薛恩也夠膽落重飛，結果只出七分力輕勝，驟加9分升上三班，毫無阻力。上場前已試過1200米泥閘且後追有勢，增程及轉彎途程俱可應付。雷神季內8捷3歲馬，勝出率逾42%，信心保證。

■明治朗