【專業馬販】自購新馬真的較PP划算？

上期講到，不少人認為要以平價購得自購馬不易，所以將眼光轉向自購新馬(PPG)，除了價錢較廉宜外，還有是於52分起步，上升水位充足。

幻想總是美好，幾多馬主希望自購新馬在50幾分流轉，一季一勝幾位，所獲獎金可抵養馬費，自給自足。但香港的四班賽，已是澳洲省馬場水準(省馬場和鄉村馬場是兩個水平，切勿混淆)，要贏就要有一定實力。綜觀香港新馬，分數向下調的比率較上升為多(如上調較多，三班馬就不會常不夠馬作賽)，不少馬匹跑幾場就落入五班，繼而無聲退役。識贏外地之自購新馬身價都過百萬港元，連同運費、養馬費，一隻引退馬消費200萬不太為過。

不少馬主話隻馬試閘贏得好好，怎會來港一步都冇？試閘也要看對手質素，要有心跟一堆未勝馬一起試閘不是難安排，另一方面，與全日試閘時間比較，也是一個較保障做法。

所以，如用多一點價錢(其實和自購新馬價相差無幾)，購入一些作賽較多，但又未至於榨盡，實力又曾在省馬場或城市馬場顯露過的馬匹，是一個有保證的選擇。

第7場「一路順風」上場轉跑泥地，真係做到轉一手露一手。對的事情繼續做，今次添食不難。