美活人生事件有定案 波健士重罰停9日

遲到係改變唔到命運，關於「美活人生」事件嘅押後研訊，今朝喺跑馬地馬場研訊室繼續進行，遲咗15分鐘到場嘅波健士，始終都係要畀競賽董事小組重罰，佢今日亦承認關於佢犯天條嘅指控，最終重罰停賽9日，由今個月24號開始執行，直到下個月27號先至可以恢復策騎。換言之，波健士最快可以喺7月1號嘅沙田賽事上陣。

不過，因為仲有「文武先鋒」嘅跑法研訊今日繼續進行，如果波仔又出事，隨時停賽到季尾，咁就真係大獲喇。