輝哥通完波仔留醫 不忘向姚浩豐畀指示？

早幾日，上季冠軍練馬師姚本輝做完心臟通波仔手術，目前仍身在醫院休息及接受觀察，難怪昨日沙田賽事，只見其兒子兼副練姚浩豐(Eric)擔當督師重任，然而平時輝哥在晨課中騰出騰入的動作，連日來Eric都有跟足，甚有父親影子，馬匹操練流程無受到影響。

周三谷戰，姚廐雖然只有「魅影揚飛」(第7場)及「鼓浪順風」(第1場)參戰，而兩駒上場俱搏失跑第2，今勻雙雙換人，莫雷拉接手「魅影揚飛」，而「鼓浪順風」則由史卓豐過檔，擺明要急住還盅。今早兩駒先後駛往大圈進行最後試跑，而雷神到場即操「魅影揚飛」，鏡頭矚目，期間Eric鎮守父親的烽火台食胡位舉鏡睇操，又不時講住電話，並細心聆聽對方說話內容，話唔定係輝哥隔空畀緊指示呢！