十三少又有好嘢益Jerry仔

十三少韋達在剛戰又憑「發財寶」及「會長之星」起孖寶，徒弟仔周俊樂(Jerry)交到貨，明日繼續有好嘢畀佢搏殺，第1場「紅運閃耀」、第3場「手牽手」、第8場「利害了」及第9場「雪山飛狐」共4件坐騎交予Jerry仔，邊匹令練者最看重?睇吓今朝搏殺動靜便一目了然。

7時30分，韋廐如常安排一批戰馬出內圈快踱，其中的「雪山飛狐」似乎有啲計仔，當此駒操畢折返途中，練者也同一時間由看台踩車而至，去到馬房閘口才停低，再回頭盯實「雪山飛狐」操後神態，相信也同時盤算緊搏殺大計。

睇番此駒上仗初出跑三班1200米，出閘頗為論盡，但末段直路撻起隻馬後追得甚勁，卒之第5名過終點，今鋪富貴險中求，上二班出戰孭116磅輕飄飄，路程加長咗有更多時間追，話唔定可以一擊即。