父女同心破紀錄

呂健威今季延續好成績，馬房團隊士氣好之餘，仔女聽教聽話幫到手，好似囡囡Angie做埋私人助理，連日跟埋嗲吔睇操，馬房以至家人均上下一心，即使衝冠無望，相信威哥亦會力爭再創單季頭馬新高，突破去季63W。

今期夜賽呂廐打王牌出戰之「管得掂」值得優先留意，雖然經歷過流鼻血陰影，剛戰休息逾5個月復出，依然展現戰鬥力，與「中華威威」直路單打獨鬥以短頭僅敗，拚過一場硬仗熱身，勇況更理想，贏面甚為樂觀。

另一匹「勝利在手」上季兩勝全由田泰安操刀，證明人馬合拍，不過今季性能有變，由過往擅放食胡，變成後上拚勝，上仗跑谷草1000米追得第6，今番回師強項1200米捧得。

威哥尚有部署出戰1000米之「勇創派對」，初出僅敗於今晚再碰頭的「威妙星」，後駒如今需要頂磅迎戰，磅位受讓下，加上嫡系何澤堯接棒，視為呂廐爭勝要角。