搏失巴打唔緊要 石哥仲有好嘢益黃俊

仲有兩次賽事，黃俊能否逃過全季一場不勝嘅命運呢？尋晚徐雨石已經有心造就，畀隻近況突出嘅「電訊巴打」交畀黃俊執韁，可惜尋晚場地不利放，結果此駒只得殿軍，未能為佢打開缺口。

不過，就算黃俊搏失「電訊巴打」，徐雨石繼畀機會呢位本地薑，今次將「幸運拼圖」、「電訊精英」交畀佢執韁，後駒從未近過應該難啲有好表現，反而「幸運拼圖」就有啲餐士。呢匹5歲馬上仗由黃俊操刀跑四班1400米，結果以第6名過終點，只被「燈胆友」拋離唔夠兩馬位，依家落到五班面對較弱對手，石哥決定原班人馬出擊，睇吓黃俊能否把握機會，報答石哥支持啦。