過磅室圍板已拆 新天幕漸見雛形

有睇馬會賽馬直播嘅馬迷，相信亦留意到自上季中開始，騎師喺沙田賽事進入過磅室時，途中經過門外對出空地，出現唔少圍板，原來係興建緊全天候頒獎台，換言之除了俗稱天幕嘅馬匹亮相圈舉行頒獎儀式，將來可多一個地方揀擇，屆時騎師贏完盃賽，過磅後唔使趕頭趕命，行咁遠去捧盃，慳時間又慳力。

去到上季尾，該施工位置只圍剩兩條小路，供幹事及騎練進出過磅室，雖然不太方便，惟總算捱過了。馬季煞科後，現場所有圍板已拆除，經過工人連日趕工，頒獎台漸見雛形，觀其頂部一格格嘅設計，相信會與過磅室樓上嘅馬主廂房一樣，安裝玻璃天幕，擋到雨之外，亦畀到空間感，睇進度應可趕及於9月5日馬季開鑼前完成！