幫手數過 全盛期可以有幾多哥哥金曲馬名？

那些年、會心微笑團體即係許坤華、葉思貝、黃展亮、楊毅等馬主，剛剛幫佢哋新馬改咗名叫「風繼續吹」同「熱辣辣」，加埋現役「無心睡眠」同已退役的「不羈的風」，隻隻都用哥哥張國榮金曲做馬名，唔單止可以懷念哥哥，贏完仲可以響凱旋門大Show歌喉添呀~

幫葉思貝、楊毅佢哋諗埋喇，究竟仲有幾多首哥哥名曲啱做馬名？真係隨手數來十幾廿個名都啱噃...好似「為你鐘情」、「第一次」、「當年情」、「沉默是金」、「全賴有你」、「儂本多情」、「有誰共鳴」、「小明星」、「風再起時」、「愛火」、「愛慕」、「側面」、「左右手」、「芳華絕代」全部都用得、全部都叫得好順口！不過呢...「由零開始」就唔好用喇，仲有「戀愛交叉」有個x即係過唔到終點喇，但如果改隻馬名叫「大熱」，唔知馬會批唔批呢？