賀銘年攀石 向湯佬謝天華致敬？

由於新冠炎肺疫情關係，大部分人喺暑假都冇得外遊，唔少騎練都留港，有人選擇宅度假，有人則去離島遊，各自各精彩。

法國騎師賀銘年來港客串後，漸漸適應香港生活，一向鍾意體能運動嘅佢，當然暑假唔會好似潘頓咁去Staycation，佢選擇去攀石爬山，鍛鍊一下體能，為新馬季作好準備。

原來，賀銘年3年前開始喺法國已經開始攀石，是源有一次佢被罰停賽，所以決定搵一啲可以減壓嘅活動，一開始佢就嘗試喺法國白朗峰攀石，點知一試就愛上呢項運動，而佢喺巴西度假時亦有攀石，喺意大利及德國亦留下唔少腳毛呀！

賀銘年攀石令人諗起唔少戲劇片段，例如湯告魯斯喺電影《職業特工隊》嘅單手攀石，當然最爆係謝天華喺劇集《神鎗狙擊》單手攀石傾電話嘅一幕，令到前港姐麥明詩都有樣學樣向佢致敬，唔知幾時輪到賀銘年嚟個單手攀石打吓卡呢？