【金駒銀行馬】56分着數 隨時候命

丁廐「銀河飛馬」擅長跑新鮮感，目前居四班形勢有利，近日已展開快跳，動態積極，小心季初一出即硬拚。

「銀河飛馬」上季一出即在谷草1000米爆出29倍冷門，勝後回氣3仗，跟住在谷草1200米又爆出13倍冷W，取得第2場頭馬，當時評58分負133磅贏對手半乘。勝後回升三班即部署減分，其後7戰與頭馬無緣，季尾最後一仗返回四班角逐谷草1200米，排9檔出閘普通仍敗不脱節，明顯班次有利。

「銀河飛馬」最後一次贏馬評58分，現減至56分又回到有利水位，只要出擊令下，隨時有力斬將搴旗。此駒生成冷門命，兩次贏馬均有分頭，今季上陣若被冷落，小心殺個措手不及。