以為一定輸！泥地古靈精怪賽事大集會！
20210816
東網電視
更多新聞短片
大家覺唔覺，泥地賽事經常出現草地唔會出現嘅鏡頭，好似大落後逆轉勝，車前倒後、全程5、6疊照贏，大家都應該見過唔少，所以泥地一日未到終點，大家都唔好咁老定，因為分分鐘畀隻無厘頭馬殺咗都未知。
550場「恆駿寶駒」
泥地賽以為追唔到、但最終贏馬例子唔少，呢匹老馬「恆駿寶駒」550場真係最經典，一路留後去到150米都仲落後緊3、4個馬位，點似有得贏？但潘頓最後真係打到隻馬上來過晒，唔係啩？
553場「悅跑得」
講起天馬行空走勢，呢場「悅跑得」真係要畀足10個叻，最後200米佢仲係輸條街，問十個十個都唔覺得佢贏到，但最終係點？大家睇多次片喇！
670場「帝豪寶駒」
蘇偉賢泥地馬成日都能人所不能，呢隻「帝豪寶駒」就係例子，出閘後打鞭都仲大包尾，去到拉士200米仍然輸成5、6個馬位，但最終竟然追得番，睇到人O晒嘴喇。
801場「勁得手」
大家睇吓呢匹馬走位係4 10 1，已經知有幾奇怪喇...係呀，呢場泥1200米「勁得手」本來跟前，但之後愈騎愈褪，咁樣車前倒後，搣飛喇，但「勁得手」又突然追返上來贏，咁跑都贏得，有冇搞錯！