李嘉欣接收家翁兩駒 「惑」系大變色！

已故許世勳名下的「惑」系紅帽紅白藍直間綵衣，真係由細到大陪住馬迷成長。今日馬會公布，一對「惑」系現役馬「興惑」及「榮惑」，一併由許世勳遺產執行人轉由新抱李嘉欣持有，而綵衣亦180度大轉變，以藍色為主調，完全顛覆傳統紅白藍顏色。

不過大家又唔使擔心唔會再見到呢件經典綵衣，事關「惑」系仲有一匹「敬惑」轉到許晋亨名下，而綵衣就不變喇！「敬惑」由蔡約翰訓練，上季只跑過一次冇乜料到，但睇番以往「惑」系同阿蔡合作紀錄，「估惑」同「喜惑」都有3W落袋，話唔定呢匹「摘星勇驥」子嗣今季就爆發呀！

李嘉欣與丈夫許晋亨聯名養過唔少馬，當中包括現役的「皇寶」、「奇寶」及「玖寶」，現時李嘉欣則多了兩匹個人名下馬，相信之後「惑」系馬亦會繼續引入來港服役，延續許家馬場上的血脈。