【變出彩虹】黃金機會！容天鵬開齋馬在此！

上季蔡約翰季初比以往急進，好多馬暑期操得非常好，所以開鑼日罕有出8匹，最後更憑「凌駕」同「勁搏」起孖，但今季情況可能又不同，感覺上此倉會慢慢來，今季開鑼只出3隻，明顯比上季少一大截，所以此倉兩隻雷神馬「明駿之星」同「當家信心」，成熱要小心，猶其是後駒，上季尾無錯攻田草1200排14檔兜大圈跑第3，但筆者始終認為非高質，初出志在熱身就弊。

同場「得力寶駒」、「醒旺財」我亦覺得可爭欠穩，所以最低分容廐馬「遨遊之星」，是千載難逢機會。不用睇賽績了，因為呢隻馬真係難贏，陣上亦冇討好追勢吸引大家買，不過季初要是開低水頭馬，就係跑出呢類原本輸一、兩個馬位嘅馬，「遨遊之星」乘上季尾輸鼻位之回起勢頭，今次谷埋谷埋搏一鋪，回升四班孭輕磅非常有威脅。■靈駿