【戰況R7】希斯教刨馬：勇眼光近兩仗只輸形勢

周俊樂只欠1場頭馬就畢業做大師傅，上個賽日未能達成願望，今晚賽事都有機會，可惜暫時仲係差一點點，佢策騎師傅韋達提供嘅「量化歡騰」，直路一度出頭，但最後被班德禮嘅「勇眼光」擒下。由於田泰安發生意外退下火線，坐騎易配，班德禮冷手執個熱煎堆，真係有運，但佢直路內閃阻到人，隨時有手尾要跟。「勇眼光」勝出之後，希斯頭馬數字增至13場，繼續排喺榜首。今場跑第2名為「量化歡騰」，「戰熊三千」大蝕位之下跑第3，第4名為潘頓2倍大熱門「有運來」。

賽後，希斯話田泰安受傷係不幸事，而班德禮將「勇眼光」發揮得好，上兩場落弟只係輸形勢，所以不能作準。

第7場賽果：9-2-1-3

組合獨贏3揀1賽果：A3(最後賠率2.7)

二重彩賽果：9-2(最後賠率98)