疫情以來 今年再有海外騎師獲准日本客串

將於月底出戰日本盃嘅意大利籍騎師杜滿樂，獲得日本中央競馬會批准，發出客串騎師牌照，出賽期由日本盃當日開始，直至本年底。

杜滿樂亦成為疫情以來，今年第一位成功申請日本客串之海外騎師，對上一位已經係去年4月重臨客串嘅澳洲青好手連達文，距今已經接近年半時間。

其實今年由於受到疫情影響，已經先後獲得發牌之法國靚女騎師麥晴欣，與及南非冠軍騎師希威森，都因為受到入境限制，未能前赴當地履新，如今希威森已經轉移目標，月底將於香港展開客串。

至於杜滿樂，對上自2018年在日本客串之後，相隔三年崔護重臨，除了在今屆日本盃為法國馬「偉大光榮」執掌帥印外，相信屆時將可在其餘賽事，與其在日本發展之兄長杜滿萊，再度同場競技，成為賽事亮點。