【好腳頭】蘇嘉麗加盟 苗廐即起孖

上月由澳洲返港的見習學員蘇嘉麗，雖然在當地出賽一段日子，惟已與馬會達成協議，會轉任騎馬人。經過一段強制檢疫日子，蘇嘉麗日前正式開工，並且加盟苗廐，而倉主苗禮德繼前副練余詠詩，又多一位女性在馬房內工作，而老苗已連贏3期之餘，昨晚更憑「高瞻遠矚」及「高耀智星」起孖，睇嚟小妮子腳頭唔錯。

然而，戴上馬房傳統藍色帽笠開工的蘇嘉麗，一連兩日跟隨苗廐大軍一樣，5點鐘便已在內圈策住馬匹踱步，由於今早天氣回暖，騎者開工操完隻「金牌實力」時感到焗束，接住操「簹多福」時已脫下風褸，隱約見到其手瓜起腱，看來係澳洲出賽時留下來的成果。