肥仔系生力軍夠亮眼 做好準備隨時出擊

希斯馬房件「肥仔叻叻」出戰香港短途錦標遇上意外離世，馬房上下均覺得十分可惜，不過另一匹同主生力軍「肥仔寶寶」也隨之而補上，近期操練工夫已進行得如火如荼，呢匹愛爾蘭4歲自購馬型格長相俱不俗，早前兩試大閘走勢含蓄，有隱隱而未發之感，但今朝出試第3組谷閘已難掩鋒芒，即時受到眾人注視。

「肥仔寶寶」朝早由薛恩主轡出試，沿途緊扣韁繩守住4、5位，當主馬群轉晒入直路後，騎者輕輕推送稍作考驗，馬匹立即有反應並加速追上，緊隨「加州得迅」之後以第2名過終點，表現令人滿意，相信好快可以正式上陣為馬主爭取獎金，值得時刻關注。