【戰況R3】大家估吓包裝系今季贏第幾W?

2022年03月16日 20:02
東網電視
更多新聞短片
上賽遇上極慢步速留後兜外圈撲近的沈廐馬「包裝風雲」,今晚第3場增程跑谷1800米,更換來雷神操刀,所以臨場熱到2.1倍,今場排4檔嘅「包裝風雲」執意走內欄,結果成棚馬出彎篩晒出去,佢就攝內檔長驅直進,走勢相當強勁,最終擊敗10倍馬「勁力威龍」及走外疊蝕位的「瑪神滿紛」,取下在港首勝。今晚已起孖升到83W嘅雷神,賽後見到佢雙手緊握豢頭,好有Heart、好滿意自己發揮,係喇馬迷就係要呢火喇!
賽後沈集成話「包裝風雲」一直都跑得近,莫雷拉致電索騎,自己諗一諗覺得「包裝風雲」可以應付1800米,所以今場就跑1800米一試,而「包裝風雲」昔日喺外地一出就贏4至5個馬位,只係嚟香港需要時間適應,今場喺內欄慳到位賺到形勢贏馬。
講番李家「包裝」系今季手風極順,「包裝太保」執1W,「包裝長勝」季內更3W,到近期「包裝大獎」贏過,「包裝必勝」亦兩連捷,到今日「包裝風雲」都破埋處,今季已累積8場頭馬,嚟緊周日打吡大賽換薛恩騎嘅「包裝智威」,亦已經多次有好走勢,唔知可唔可以贏到大賽呢?
第3場賽果:3-8-1-2
組合獨贏3揀1賽果:A1(最後賠率1.7)
二重彩賽果:3-8(最後賠率14)