潘頓話最欣賞美麗同享嘅地方係...

「美麗同享」周日出戰第3場二班田草1600米，鞍上人繼續是潘頓，當日為呢匹5歲今季首度出爭田草1600米，將會在6檔起步，騎者今早表示，今仗跑法完全取決於牠出閘反應，因為牠有時起步會慢咗，佢都唔肯定隻馬可以守係咩位，而少馬場合抽6檔亦未必太理想，但如果到時形勢造就，則有機會勝出。

潘頓續說，「美麗同享」早前於沙田只跑1400米，但近期已經轉爭谷草一哩，因此今回角逐田草1600米，問題不會太大。此駒今季上陣4場，獲2冠1亞1季，上名率100%，2W都是在潘頓胯下取得。他說最欣賞牠每次陣上均能放鬆心情競跑，各方面都展現其最好一面給他及馬迷看。