【肥仔福音】遲啲配磅改135至115磅？

如果有留意馬匹負磅，應該發現最近唔少騎師都要超磅上陣，好似莫雷拉依家最低只能造115磅，尋晚騎「蓮花剛玉」就要超兩磅，就算巴度周日頭場騎113磅嘅「幸運勝駒」，亦預計要超1磅。至於梁家俊、何澤堯兩位成績出色嘅華將，佢哋近期最低只能造117磅。

難怪最近有消息指出，馬會有意調高出賽馬匹的負磅上限，由目前的113磅至133磅，將會調高兩磅，改為115磅至135磅。我哋《東網》馬經記者日前亦就此事問過賽馬產品、市場及贊助事務總監利達賢，佢透露馬會曾就馬匹負磅上限嘅情況作出討論，預計下個月會有所公布。

若然真的成事，對於部分較為重磅的騎師而言，的確是一個好消息，事關佢哋可以獲得更多機會爭取坐騎。事實上，既然愈來愈少騎師可以這113磅，略為調高負磅上限亦未嘗不可。