呂健威落實下季新副練人選 就係佢…

牌照委員會早前公布新一季嘅騎練陣容，目前於呂健威馬房擔任副練的伍鵬志獲提拔，下季正式開倉，既然副手升正，威哥新一季自然要搵人接替副練工作，但當時牌委會未有公布呂廐新副練人選。

今朝我哋《東網》馬經記者就問過呂健威，威哥透露已經落實下季新副練人選，就係目前於韋達馬房擔任副手嘅薛順強。薛順強過往曾於胡森、霍利時馬房效力擔任副練，然後當韋達開倉後，佢亦加入韋達馬房，經驗相當豐富，今次轉換環境去呂廐，相信對威哥應有一定幫助。另外，由於薛順強下季轉往呂廐，換言之韋達亦要物色新副練人選了。