狂派散水餅 蘇保羅幫17駒交代

蘇保羅今季後離港，季尾發力幫唔少馬匹獲勝，頭馬數字扳到24W，表面上唔算突出，但練者響臨別一季，係足足幫17匹馬交W，絕對已對馬主盡了最大責任。

17W之中，團體馬「好好心得」取下3捷，馬主王延慶的「月球」及「閃電俠」則是3+1合共4捷、另外「韋小寶」2W兼捧走回歸盃，馬主梁滿銓一家的「新威力」、「新威煌」共勝3場，巨賈「錶」系兩匹「錶之科學」同「錶之智慧」各添1W，馬主鄧銘禧「興高采烈」2捷兼煞科日幫蘇廐埋齋，仲有「夢巴黎」爆94倍巨冷W以及「兄弟友盈」、「勁快聯盟」、「紅衣震撼」、「活力得勝」、「箭意」、「錢多多」、「龍戰士」拉到頭馬，以一個養馬量徘徊三十至四十匹的中細型倉，加埋唔少係新馬、老馬或未上力馬嚟計，能夠幫一半馬交代，蘇保羅其實好犀利了，好多馬房其實來來去去，都只係贏幫幾位馬主贏幾隻馬咋。