姚本輝用人全方位

姚本輝大前季以67場頭馬首登冠軍練馬師寶座，翌季當然要回氣，只取得33場頭馬符合預期，而上季又有小反彈，以53場頭馬排練馬師榜第5名埋單，成績中上級。

姚本輝除了選購新馬叻，其部署亦值得一讚，上季53場頭馬分布於12位騎師，接近一半長期駐港騎師曾為佢貢獻頭馬，可見練者知人善任，當中孖住梁家俊贏得最多頭馬，兩人合作攻下15W，以騎者上季贏48W計算，接近3分之1頭馬來自姚廄，姚本輝可謂梁家俊最大支持者。

另外，一啲較冷門騎師亦為姚本輝取得勝仗，包括賀銘年2W、馬雅1W，而黃俊整季只贏2場，其中1場頭馬「魅影揚飛」就係出自姚本輝。

馬圈唔少騎練都信邪，既然合作愉快，當然會繼續孖住爭功，新季梁家俊騎姚廄馬固然要多加留意，但其他騎師如蔡明紹、班德禮、希威森等，上季與倉主亦合作愉快，如果見到呢類騎練組合，值得多加研度。