榮智健新寵有來頭！

昔日榮大董榮智健先生，最鐘意引入貴價自購馬，好似「奔騰」曾跑過皇家雅士谷愛德華七世錦標G2並得亞軍，當年抵港評分達103分！另一匹馬王「活力先生」，就係澳洲藍鑽石錦標第2名，金拖鞋大賽亦得第4，尚有曾參戰葉森打吡得殿軍的「掌門」，來港都贏過遮打盃，榮生PP真係早幾代人嘅回憶。

睇番呢件馬主綵衣現役馬，全部都係PP，「驚喜」是維省打吡亞軍，但來港首季暫未適應水土，「幸運快車」則在澳洲維省贏過一場高獎金兩歲定磅賽，故評82分起步，來港取下2冠但6場亞軍，尚有「銀馳」來港前亦未有攻下黑體賽，抵港後3W評99分，贏最多頭馬就係佢。至於榮生仲有匹未上陣的H086自購馬Gulf Of Venice，呢匹Not A Single Doubt囝囝現年4歲，在澳洲東奔馬場贏3歲處女賽，似是平平無奇，但該役係大勝對手5個半馬位，而佢近4次試閘，亦係次次跑第1，到底係咪揀手貨？幫唔幫到馬主捧大盃？各位拭目以待喇。