【有片】蔡明紹今朝親試黃金甲

今個禮拜日越洋賽事雙料娛樂，上半場就係韓國盃賽馬日，兩匹香港泥地好手「錶之智能」、「黃金甲」分別角逐沙地1200米韓國短途錦標及沙地1800米韓國盃，此兩駒早前已經飛往韓國備戰，今次策騎牠們上陣的本地薑蔡明紹，早於剛周日已抵達當地。

「黃金甲」今朝喺首爾馬場進行賽前最後一課快跳考驗，並且交由蔡明紹親自主理，務求盡快建立默契，而馬匹試完回程後亦表現得相當輕鬆。據目前身在當地嘅羅富全囝囝羅峻濼透露，之前幾日首爾有雨，今朝晨課就沒有，但當地雨勢時大時細，非常不穩定，未知到時場地會否受到影響。另外，蔡明紹今朝親試「黃金甲」後，亦有接受韓國賽馬傳媒的訪問。