港澳版>新聞>中港台
  • 開鑼日上陣莫非顯心星想遠征?方嘉柏話…

    香港時間
    2022年09月03日(六) 13:29
    東網電視
    更多新聞短片
    「顯心星」尋朝試泥閘跑第1名,將會出戰開鑼日的一班1200米賽事。
    滿以為今季開鑼日首項盃賽,一班田草1200米特首盃未必會有太多馬參戰,點知近期愈來愈多高分馬話會上陣,除咗伍鵬志嘅117分賽駒「錶之未來」,就連上季香港短途錦標得主,現評120分嘅柏廐馬「顯心星」,亦打算以特首盃作為季內復出戰,尋日試完泥閘後,方嘉柏亦落實後駒由田泰安掛帥。
    以往好少有咁多分嘅馬角逐特首盃,上季喺呢項賽事掛頭牌係109分「君達星」,今次卻有120分嘅「顯心星」參戰,預計要孭135磅上陣。不過,喺今年5月中,方嘉柏曾經喺一篇馬會訪問中透露,佢希望與與「顯心星」一同遠征,同時會認真審視遠征日本的機會,莫非佢有打算讓此匹短途好手遠征東瀛,出戰下月2日舉行嘅日本短途馬錦標?
    不過,日本中央競馬會喺上月中曾公布有咩海外馬匹報爭1200米G1日本短途馬錦標,當時只得兩匹英國代表及一匹法國馬報名,「顯心星」榜上無名,而我哋《東網》馬經記者今朝亦有問過方嘉柏,佢都話目前「顯心星」遠征日本嘅機會唔大。
    感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。