美麗同享季內復出 劍指G2沙田錦標

今朝(20日)沙田馬場舉行5組泥閘，當中不乏質新當起的勇馬。其中第1組1200米泥閘，上屆打吡季軍「發財先鋒」以及上年未失三甲嘅「美麗同享」都一齊試閘，當中東廐「美麗同享」出閘後雖然喺較後位置，但入直路後追勢甚強，最後追入一席第3名。潘頓試閘後指，「美麗同享」今日慢閘，出閘後早段唔太肯走，但入直路後卻交出應有追勢追趕對手，所以對於佢嘅表現都尚算滿意。

「美麗同享」現評117分，以其出色表現，當然有不少馬迷均期待此駒今年復出之戰，而潘頓於試閘後透露，「美麗同享」將會在10月16日1600米G2沙田錦標復出，其後就會跑11月6日1800米G3莎莎婦女銀袋，跑完呢兩場睇吓佢嘅表現如何，再決定向1600米定2000米發展。