【戰況R2】愛駒爆大冷 精算馬主龐：今晚有雨幫到手！

上賽突然轉泥地輸唔遠的呂廐馬「精算其然」，今晚又有新攪作，大幅增程跑谷草一哩，雖然係23倍冷門，但呢隻11檔馬，好早就切入二疊前列位置，到彎位開始何澤堯率先發力，入到最後200米在外欄佔到主動權，就此直奔終點，力克亞軍放頭馬「華美福星」同季軍2倍大熱門後上馬「無敵精英」，打開在港勝門。

精算團體經理人龐維寧表示「精算其然」比較均速，所以練馬師都安排佢上1650米試一試，始終愛駒有1200米速度，今場喺一哩都可以試吓擺前走，唔再好似跑1200米咁留得比較後，今日落雨場地都可能有幫助。龐生又表示今場賽前信心唔大，贏馬當然有驚喜，而今次增程可謂試出彩虹，贏馬都好開心！「金鎗」組合捧完G2馬會一哩錦標後連勝兩期，威哥第15W到手，至於何澤堯則累積到20場頭馬。

第2場賽果：3-12-9-8

組合獨贏3揀1賽果：A3(最後賠率4)

二重彩賽果：3-12(最後賠率836)